ՏԵՔՍՏԸ ՄՇԱԿՈՒՅԹԻ ՄԵՋ – 2014-1 Շրջանակի խնդրի պատմամշակութային ասպեկտները տարածական և ժամանակային արվեստներում Սլավի-Ավիկ Մ. Հարությունյան Արվեստաբանության մերօրյա բոլոր ճյուղերում և մշակութաբանության ու փիլիսոփայության մեջ արդիական է մնում արվեստի սահմանների ուսումնասիրության խնդիրը. ինչի՞ց է սկսվում և որտե՞ղ է ավարտվում արվեստը, ի՞նչ բնագծեր են միմյանցից տարանջատում նրա առանձին ճյուղերը, ի՞նչ հարաբերությունների մեջ է արվեստի երկը սեմիոսֆերայում,- սրանք հարցեր են, որոնց մեկնաբանությունը կարևոր է ցանկացած գեղարվեստական ստեղծագործության վերլուծության համար:
