ԻՆՉՈՒ՞ ՉԱՊԱՇԽԱՐԵՑ ՀԱՅԴԵԳԵՐԸ – 2014-2 Աշոտ Վ. Ոսկանյան Քսաներորդ դարի մեծագույն փիլիսոփաներից մեկի՝ Մարտին Հայդեգերի՝ նացիոնալ-սոցիալիզմի հետ առնչությունների մասին հարյուրավոր գրքեր են գրվել: Հետազոտողների, ինչպես նաեւ շահագրգիռ ժամանակակիցների ուշադրության կենտրոնում ոչ միայն այն հանգամանքներն են, որոնք պայմանավորել են Հայդեգերի գայթակղությունն այդ չարաբաստիկ քաղաքական շարժումով, այլեւ առավել անբացատրելի թվացող հետեւյալ հարցը. ինչո՞ւ հետպատերազմյան տարիներին մտածողն այդպես էլ հրապարակայնորեն ու միանշանակ կերպով չսահմանազատվեց նացիոնալ-սոցիալիզմից՝ խոստովանելով իր սխալները: Ինչո՞ւ չապաշխարեց Հայդեգերը:
